عود الليل
كلمات: الأمير / بدر بن عبد المحسن
عوّد الليل .. أوقد سراجك
واحبس الليل .. وأطلق حجاجك ..
احبس هموم الغرام ..
وأطلق البسمة .. سلام ..
إن شكى العاشق يلام ..
رحت يابدر التمام ..
عوّد الليل
فـ الضحى .. شدوا الركاب ..
وابحروا .. يم السراب ..
كانت عيونه حبيبي .. شمس .. وعيوني سحاب
وآه يا سهيل اليماني .. شدوا البدو بأماني
ليتهم ردوا الركايب .. وربعوا بين المحاني
أوقدوا فـ النار .. نار
ما ورا ليلي .. نهار
من خذا فجرك حبيبي ..
ومن ترك لي .. الانتظار
آه يا رمل وهبايب ..
تدفن جروح الحبايب
يا ترى لو مر عام
يرجع الفجر اللي غايب
احبس هموم الغرام ..
اطلق البسمة سلام ..
إن شكى العاشق يلام ..
رحت يابدر التمام ..
وعوّد الليل
روحي الوجلة
كلمات : الأمير /
خالد بن سعود الكبير
يازيـن خـل العتاب شـوي .. تـرى الوعـد لحظتـه عـجلـه
خــل اتـمـتـع بنـور الضـي .. مـن نـور و جنـاتك الـخـجله
ياشوق مافي يديني شي .. حاسب على روحي الوجله
لاتحسـب انـي بظـل وفي .. خـِـك زمـانـه عـقـل رجـلــه
كم لي وكبدي تمنى المي .. ضامي ورجلي على دجله
قلبـي طـويتـه بحبك طـي .. وشـوفـك انـا مـيـت لـجلـه
واللـه مـالك بـعـيـني زي .. ونفسي على موعدك هجله
انا وياه
كلمات : بندر الرشود
انا واياه ماندري هوينا بعضنـا وشلـون
ومن شفته وانا احبه وفجاه صار يهوانـي
اذا ناظرني بعيونه انسى كل مافي الكـون
واذا جاني وقابلنـي اعيـش بعالـم ثانـي
وفي قللبي هو الغالي وفي عيني هو المزيون
وفي فكري هو الهاجس هو القاضي هو الداني
ويأمرني على كيفه وينهاني سواد العيون
ولاأتخيل نكون بعاد ومااتصور زمان يخون
حياتي كلها بيده وصعب اليوم ينساني
وليت الحب متساوي لجل به الناس به يرضون
ولا يشره على صاحب عن المزيون ينهاني
==========
حظ عيني
كلمات: مطلع الشمس
حظ عيني لو تشوفك كل يـوم
حظها وانت لناظرهـا الضيـاء
نام فيها نام وانعـس لا تقـوم
بالسعادة يـا تباشيبـر الحيـاء
انت اللي لك انا عمري اسـوم
وارخص الغالي بلا زيف ورياء
والبقايا مالهـم عنـدي لـزوم
قلبي وقلبـك حبايـب اوفيـاء
غيبتك وجدان واحزان وهموم
تتعب افكاري تسبب لي عيـاء
ودي بشتوفك وبعطيك العلـوم
وعن عيوني لا يبعـدك النيـاء
صدق انا مشتاق لك لكني كتوم
اجبر عزومي ويمنعني الحيـاء
منزلي فوق الكواكب والنجوم
وافي وسمعي على صوتك حياء
وش على عيني يلو شافتك دوم
دامك انت في نواظرها الضياء
الرديّه
كلمات : ناصر القحطاني
ناصر
سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب
خالد
يا مرحبا يا صاحبي وأعبـر بنـا سبـع البحـور
علّي أديـر البوصلـة و أنـت الله الله فالزهـاب
أنـا سمعـت أنـك تحديـت الذيابـة و النمـور
و العام لك قلب خضر و اليوم مـا كنـك شبـاب
ناصر
الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب
خالد
لا تأمـن الدنيـا و لكـن لا يجـي قلبـك فتـور
أحد يشوف أحلى البنات و لا يجـي فيـه انجـذاب
ما للحباري في القنص يا كـود هـدّات الصقـور
و أن ما كفخ طير الفضا معناته أن الراس شـاب
ناصر
كلش و لا قطع الرجا في الطيبـات مـن العطـور
لكن علـى شـرع الله و سنـة نبيـه و الكتـاب
بيض العذارى عسجديات الجسد ضمـر الخصـور
سود العيون مجـدلات الـروس تلعـات الرقـاب
خالد
بالله قلي مـا بـرى جرحـك بعـد بـدر البـدور
ما عوضوك الفاتنـات الذاهبـة و الجـرح طـاب
كم واحـد لـو مرتـه مزيونـه بعمـر الزهـور
ضاعت علومه و الصواب الله يجيبـك يالصـواب
ناصر
أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب
خالد
معلّمـك يـا صاحبـي بالسالفـة و العلـم نـور
وش بك تقول الشمع ذاب الشمع مـا يمديـه ذاب
و البارق اللي مرني و أنا أدعـي بقلـب شكـور
هذاك خير طاح بأرض الغيـر و الـرب أستجـاب
ناصر
وش بينك و بين المدينة و الشـوارع و القصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب
خالد
البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب
قبل الفراق
كلمات : الأمير محمد بن عبد العزيز بن محمد
قبل الفراق ..
كنت انتظرها والثواني شوق
وقلبي يقول ..
هل ياترى اعتب عليها .. والا هال مره أسامح ..
ليه ماارضى عليها .. قبل تفضحني الملامح
يوم الامل .. ماجت على ميعادها
ويوم الالم .. جتني على ميعادها
جتني على كف العناء .. تقول وينك يالهناء
انسى هوانا اليوم ... وانساني انا ...
ياسنينها باقي ..
في صفحة أيامي الم ...
وياحبها الباقي ..
في غربة الذكى وهم
ليه العتاب .. دام الخطاوي حلم في درب السراب
كان الغياب .. أصدق مشاوير اللقى كان الغياب
ياليها المجروح ...وكل الطريق جروح ...
من يوم ودعتك .. ماعاد باقي روح ...
جيتك لاتجين .. ياذكريات السنين
جيتك أعيد قصة الماضي ولحظات الحنين
آه يالحنين .. ذابت البسمه على الثغر الحزين ... ونطفى ضي اللقى وعيا يبين
ياليها المجروح ...وكل الطريق جروح ...
من يوم ودعتك .. ماعاد باقي روح ...
علمتني
كلمات : مخاوي الليل
علمتني وشلون اعاملك بعناد =وخليتني للحب اعلن اجهادة
قتلت فرحة عمر في يوم ميلاد= عز الهوى في قلب مات بشهادة
لاتنتظر لقياي في يوم ميعاد = فاتك حضوري والمشاعر جماده
تركتلك ذكرى تعاودك برقاد= ذكرى ميريرة كنها لك وسادة
ان غبت ماني عنك ياصاح العشاق = يضيع من ضيع مشاعر وداده
مافات من عمرك صعب يوم ينعاد = زرع زرعته لايفوتك حصاده
قلب ووريد
كلمات : د/ مناير الناصر
تدري وش أحس و أنا أجلس معك = تدري ويش القلب يهمس للوريـد
ودي أسنـد بكتفـك و أسمـعـك = و لا أفكر فـي قريـب و لا بعيـد
تدري أني بك أغار مـن إصبعـك = لا مسح وجه بشوفه يـوم عيـد
ودي أنـي قلبـك اللـي بضلعـك = و أنبض إحساس الغلا و أبقى وحيد
ما تصدق يوم كنت أجلـس معـك = بس أناظر في عيونـك و أستزيـد
أشربك واروي ظمايـه واشبعـك = اشبعـك ولا ابـي يـوم جـديـد
اسأليني
كلمات : الامير / محمد بن عبدالعزيز بن محمد
اسأليني قبل تجرحك الظنون
واسمعيني قبل يتعبك الغضب
ادري باللي فيك يالقلب الحنون
النوايا بيض والغيره تعب
علميني كيف من حبك يخون
كيف أخونك وأنتي من نفسي أحب
خاطرك غالي وحبي لك جنون
والعمر ما بين رمشين وهدب
همّك اللي ذاب في سود العيون
صدقيني .. ماله بقلبك سبب
ماسواك احد على روحي يمون
وماسوى حبك على قلبي انكتب
مانشدت الشمس بعدك وش تكون
وماسألت الريح من وين المهب
عاتبيني حب .. والدنيا تهون
وشهو احلى من الرضا عقب التعب
أنادي
كلمات : مخاوي الليل
أنادي من سكن بأقصى فؤادي
على منهو نفس روحي وزادي
على منهو حرم عيني رقادي
أنا اهواه
يزور العين طيفة ثم اضمه
واحس ان الهوى عطره واشمه
واحبه اكثر من حب امه
انا اهواه
صحيح ان الزمن فرق حبايب
وانا رجواي في انسان غايب
معه قلبي بصدق الحب ذايب
انا اهواه
انا وياه والذكرى الجميله
خليل ما نسى عشرة خليله
انا انسى الناس واتركهم واجيله
انا اهواه
الا ياسائليني عن غرامي
انا ظامي لشوفه حيل ظامي
انا اهواه ويكفيكم هيامي
انا اهواه
1 - أبصم لك
كلمات : مجازف .
غيرك ما طـرى يا شوق
لو لاح بسماي بروق
ما للحـب بعــدك ذوق
أبصملك على العشرة
زان الـدهــر وإلا شــان
فـيـك المغـرم الولهان
دايم حيـل لك شفقـان
أبصملك على العشرة
حـبـك مـصدر إلهامـي
لأجـلــه دايــمٍ سـامي
بلـسم جـرحي وآلامـي
أبصملك على العشرة
لـو العـشـق أضــنـانـي
ووصـلـك فـيك عـزّاني
حـبـك سـر وجــدانـي
أبصملك على العشرة
===================
2 - انزعه صمتي
كلمات : مخاوي الليل .
انزعـه صمتـي وعـلمنـي الكـــلام
خـلّـنـي أقـتـل مفـاهيـم الخجـل
واكتشف من عـندي أسرار الغــرام
شوفـة عيـونك طمـوحي والأمـل
أظـهرتـها عـيـوني همـي والهيـام
مـتعب الحـال قلبـي وما حـمـل
بقـطـعـه وقـتـي وبوصـلك ســـلام
يا حيــاة الوصـل أو حـل للأجــل
ليت أنا أبكي منك ليلي طول عـام
واذكـرك شخـصٍ بعينـي ما كمل
بـس مشكـلتـي قــدرك يا وســــام
مـنـك ما شفــت خـــطايا أو زلل
==============================
3 - أسهرتني
كلمات :
خالد البذال .
أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهمّ منـك اعتلى والصد بك شاعِ
ما قلت لي وش بلا العهد بك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـفا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
===============================
4 - توادعنا
كلمات : ابراهيم الجنوبي .
توادعــنا أنا وياه ..
لكن ما توادعــنا ..
رفـض قلبـي ورفض قلبه ..
سوى هلّة مدامعنا ..
رجــع يبكي وبكاني ..
أنا ما تـحمــل دمـوعـــه ..
ونادتنا ليالينا ..
مسك يـدّي وتراجـعـنا ..
أنا فـضّـلت أعيـش بصمت ..
سواءً كنت أو ما كنت ..
ولكن الأكـيــد آمن ..
ومـحـبتـنا لـهـا مـعـنـى ..
حنيـن قـلوبـنا فـينا ..
غـصـب عـنا يـناديـنا ..
يـبينـي يا ملأ واللـه ..
عـسى اللـه لا يفرّقـنا ..
============================
5 - ذبحنا الشوق
كلمات :
خالد البذال .
ذبحنا الشوق بغيابك
وكل طاري لنا جابك
متى تسأل عن أحبابك
علينا بس من قسّاك
نبيك وما نبي غيرك
وعالي دوم تقديرك
رضينا بشرك وخيرك
حبيبي وينها دنياك
تصدق من حكوا فينا
وتبعد عن ليالينا
غريبة صرت ناسينا
وغيرك ما قدر ينساك
=========================
6 - تروي
كلمات : مخاوي الليل .
تـروّي يا حـسـن منـظــور .. تـروّي يا مــلاك الزيــن
تـروّي كـود عـينـي .. تـلتمس منك حـنيّه
شوصفك لو بغيت اذكـر .. مـحاسنك انعدم بك شين
وأخاف انّك تصر في وصفي .. لو قلت حوريّه
نـقـضتـي حـال المـقــدول .. عـلى عــارض المـتـنيـن
وشفـشف هـوى روحـي .. عـلى فركـة إيديّه
كـتبت القــصيـدة نـاوي .. أعـنّيـك أنا بـسـطـــريـن
سجـى الفكـر بالمـعنـى .. ولـك تـمّت النيّه
أنـا ويــن جـــابـتـنـي المــقــاديــر .. وانـتـي ويـــن
تـولّـعـتـي الـلـــه لا تـزيــد الـولـــع فـيّـه
وداعــك عـمــر حـي .. خـذيـتيـه بـطـرف العيـن
معــك حي .. وإلا غبتـي يمـوت بعرب حيّه
=====================================
1 - أعـــاني
كلمات : غيـــوض .
حاولت أجيبـك للضحى وانت عـييت
حاولت أغـطي الليل لأجلك عصاني
أفـرد ضلــوعي وأنده الحـي والمـيـت
وإلى ندهتـك رجـع صوتـي دعـاني
ما غيـر أنا اللي شلت جرحي ونّيت
وما غيـر قلبـي لا طـلبـتـه عـطاني
لو إن بوحـي كـثـر صمتـي تمـنّـيت
لو إن عينـي شافـت الـدرب جـاني
شمـسي هـجيـر ومهجتـي كلها بيت
أهـجّـها وأطـوي عـليـها احـتـماني
لأجـلك إلا جـض الهـوى بي تـغـنـيت
لوني من جـروح المـقـاديـر أعـــاني
=====================
2 - يسود الصمت
كلمات : الشمس .
يسود الصمت
وتبقى ثورة الأنفاس
ألا يا صدر لا تزفر .. وهونها
يسلم راس ..
من أنور الدنيا ونورها
أخاف الروح لا تـظـهر
مع أول أنفـاسي
لا يا بعد ناسي
خلنـي أعـيش شوي
لا تـاقف أنفاسي
قلبـي معـك باقي
ينبـض لك أشواقي
زدني وأزيدك قرب
وأكشف لك أوراقي
=======================
3 - أول أطيافي
كلمات : اثيل .
من أول خفقـة بصدري وأنا فيك أرسم الأحلام
مـن أول طـاري الأشـواق وانت أول أطــيافي
نذرت العمـر لعيـونك عـسى تقبل بك الأيـام
عسى باكر يـجيبك لي وتوقـد ليلي الـطـافي
يا أول حب يمـلكـنـي من الهـامـه إلى الأقـدام
زد بهجرك زد بصدك حشى ما أقول لك كافي
أنا كلي صبـر وعـناد مثل ما بالعـمـر أعــوام
كثر ما قلت لطيوفك متى يلفينـي الـجـافي
ولو بـحـر الهـوى غــدّار أنا يا صاحبـي عــوّام
ما دام عيونك المرسى سنين العمر مجـدافي
=====================
4 - أصدق معاذيري
كلمات : همس .
أن كان حبي لك هو أعظم خطايا
ما أقول يا نفسي عن الحب توبي
أجمل خطاياي وآخر حـدود دنياي
وأصدق معاذيري وأطهـر ذنـوبي
نزعـات روحي لك تـباري نـواياي
والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي
أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي
خـذت أوّلـه وأتـلاه وأقــول دوبي
ومن له مثل حبي يسوّي سواياي
ياصـل مواصيلي ويسـلك دروبي
===================
5 - لبــيه
كلمات : بنت العطا .
الروح في شوفك عـليك اليـوم ولـهـانـه
والقلب يفرح فيك إلى من شافتك عـيني
القـلـب لعيـون الغـلا وعـيــون خـلاّنـه
بأنسى الزعـل كلـه ولو بعـدك معنّيني
انت الوله والشوق وانت الحـب سلـطانه
يا بسمـة أيامي هـلا يا ضحـكــة سنيني
من قال يا عمـري عليك النفس زعـلانه
إجـرح وعـذبنـي مادام الجـرح يرضيني
لبيـــه يا قـلـبٍ ملـكـته وانت وجــدانه
لبيــــه يا منهو عـن همـومي ينسيني
يا عمـري الـباقي ويا حـلمـه وعـنـوانـه
بيـديك تـجرحـني ومن لمسـتك تشفيني
=======================
6 - للغايب عذر
كلمات : غيوض .
كنت أنتظر
ليما الفجر
والوقت يسرقنـي ويمـر
يا موعدي
وقّف صبر
أبانتظر
باصبر على نار وجمـر
وبعذره يمكن للغايب عذر
أنا والحيرة وشوقي في زحام
ويا كثر ما جاء على بالي كـلام
أفكاري تودينـي وتـجيب
أهوجس بعيـد وقريـب
يا هل ترى بينّا خصام
وإلا ما عاد لي حب ومقـام
ما أظلمه لا لا حرام
وش اللي صار
مصعبـك يا إنتـظار
طلع نهـار
يا صاحب الموعد
تعــال
شوف حالي حـال
أصارع الوقت اللي طال
=====================================
=====================================
أغلى هجوسٍ طول الأيام جتني
هاك الهجوس اللي تجيني بطيفه
الماضيات بغيبها مانصفتني
والمقبلة ترجي عدلها خليفه
اتبع ظنونٍ بالهوى ما شفتني
احسب حمولي بالمحبة خفيفه
واليوم ظالمت المحبة طوتني
طي الورق يوم انطوى به خريفه
واشباح ياسي بالهموم أعترتني
وأنا علي أسباب صدك كليفه
أشيل حتفي راضيٍ فوق متني
وأبوح نفسي من حياتي معيفه
واقول للي بالجفا عذبتني
عسا الشقا من بيننا بالنصيفه
شربت من فيض الشقا واشبعتني
دنياً مع الأحزان ضدي حليفه
1 - عقد وســوار
كلمات : بدر بن عبدالمحسن .
لا شـاريٍ عـقـد ولا مـهـدي ســــوار
لا تـلـحـقـي نفسك هموم وحسايـف
تريّـثي يا قـرة الـعـيـــن مـقـــدار
ما تشـرب عروق القـصيد الوصايـف
لامن قدحت الشعر شبّيت لك نار
نارٍ على رووس الـهـضاب النـوايـف
يطرب لها الساري ويسري بها الطار
تزهر بها عقب المــحـول الشفايـف
قـصيـدةٍ تـولد ورا بـاب وجــــــدار
ســر الـضـلـوع المرهفـات النـحايـف
بـهـديـك أنا عمـرٍ ولا كـل الأعـمــار
يفنى القلـم قبله وتفنى الصحايـف
غيبـي وشيبي واتركي كل ما صــار
يبـقى جمـالك في قـصيـدي طرايـف
خل الكواكب من سنا نـورك تـغــار
ولا تـلحـقـي نفسك هموم وحسايف
==============================
2 - حبيبتي
كلمات : طلال الرشيد .
حبيبتـي لامن غـديتـي لي سـراجٍ أتـبـعـــه
كني غديت من الظما أركض ويطردني الســراب
لا تبخـلـيـن إذا شربتك ما شربتك من سعــه
دامي من جروح الهموم الموجعــه كلي صــواب
اليوم مرّتنـي السـواني والفـصـول الأربـعــه
اليـوم مرّتنـي الـمـواني والـمـباني والسحـاب
يا بنت في خدك وهج سيل الشموس الساطعه
أحــرق بداخـل داخـلـي انسـان ماهـو للتــراب
اليـوم ما كنـي لقيتك مر صوتك ما أسمعــه
اليـوم ما كنـي فقدتـك في سـؤالين وجــواب
واللي خلق ظلم الليالي في العيون الهاجعــه
إني من الحرمـان أتــسائل وحـرماني جــــواب
يـوم الوداع تـخيلـي ما لي حـبيـب أوادعـــه
محـروم أنا وتـخيلي محـروم حتى من العــذاب
يا بنت لي قـصـة تطول بكلمتيـن موجعــه
هـي باختصار إني أنا أركـض ويطردني السـراب
============================
3 - لوعــتي
كلمات : مخاوي الليل .
لوعتـي فيـك لوعـه ما لها من مثيـل
جـدّد الوقت جرحي بين يومٍ وليـلــه
آه يا حـظـي جد لي لو بشيءٍ قـليـل
ما خبـرتـك كريمٍ مير ما فيك حيـلــه
حملي اللي أشيله فوق متني ثـقيــل
كل ما جيت أحطه عارضتني جميـلــه
ليتـها عـن هـوانا تنـتـحي للبـديــل
كود حالك حبيبي يمّي يطلق سبيـلــه
من غلاك أفتخر بك وأعمل المستحيـل
لو أعاني حياتي خلّ يعشـق خليـلــه
ما عـرفت المـذلــة لا ولا أنت ذلـيـــل
عزة النفس فينا يا حبيبـي حصيـلــه
سالت دموع عينك وأنا دمعي يسيـل
حزني اللي ملكني والليالي طويـلــه
وقتـي اللي طلبته مَنّ وأثره بـخـيـل
شحّ وقتـي ودبر ما عـطاني قليلــه
=======================
4 - زلـــيت
كلمات : محمد الخضيري .
زليت و إبن آدم معرض للخطا .. زليت
زليت وبحالة غضب جرحي سطا .. زليت
أستسمحك و أقرأ بعيونك لي عتب
وش في يدي أعطيك عن هذا الغضب
ليه العجب
أنا بشر أخطي .. وسبحان اللي كامل بالعطا
زليت
قبل الوداع ..
وآخر وداع ..
إسمع كلامي وافهمه
قبل الوداع ..
وآخر وداع ..
راجع سطور الناس بعمر الزمن
من فينا ما داس الخطا ..
من فينا
من فينا كامل بالعطا ..
من فينا
أنا بشر أخطي ..
وسبحان اللي كامل بالعطا
زليت
إصبر علي ..
وإدمح خطاي
إصبر علي ..
وإن ما قوى صبرك رضاي
أنا بهواي مجروح من يصبر علي
هجرك ألم ..
أقولها وأقسم قسم
متى الظفر ..
يطلع يا عمري من اللحم
أنا بشر أخطي ..
وسبحان اللي كامل بالعطا
زليـــــت
====================
5 - لوعة المغرم
كلمات : أحمد الناصر الشايع .
أعـالج لـوعة المغــرم وتكبـر لـهفــة المـشــتاق
بحسن رضاي أسوق خطاي أقدّم رجلي وأفهقها
أهوجس من طلوع الشمس والى مغيبات الأشفاق
ولا أدري في ظـلام الليل رجلي وش يوافقــها
أباصبـر وأتـصبّـر ما نظن الصبر ما ينـطاق
لقـيت الصبـر مـرّ ولـو ينوش الكبد يحـرقــها
ألا يا كامليـن المــعـرفة ســلك الغــرام دقــاق
إلا صــاب القـلــوب اللـه يـعـافـينا يـخرّقــها
أنا لي صاحبٍ خـدّه ورى الشيلـه كما البــرّاق
بعرض المزنة اللي مثـل شمس الظهر بارقــها
خـلـقـها اللـه وزيّن خـلـقـها وأخـلاقها الخــلاّق
قـليـلٍ جنـسها فـي جيـلـها سبـحان خـالقــها
لـهـا عيـنٍ إليا لـدّت بها تـذبـح بـها العـــشّاق
بها وصـفٍ من عنـق المــها هـو طول عـاتـقــها
إلا ما شفتـها ضاقت بي الدنيا وصـدري ضـاق
وأنا لو الهـوى لي كـان عينـي ما تـفـارقــها
أحب مشاهد الغـالي عـسى ما هو بحب افراق
ولو راحت معه فـي مـغرب الدنيا ومشرقــها
إلا جا الليل ما شفـتـه تـزيد بصـدري الدقاق
معه روحي بسـلك العنكبوت الله معلقــها
إلا عرّض علي ياقـف مثـل وقفـة كـسيـر السـاق
وسـاعـات الـوداع أسـرع من الكدلك دقايقــها
أن وياه جـدّدنا الـقـســم والعـهــد والمـيــثاق
ولكــن قـــدرة اللـه سابـقــه محـدٍ يـسابـقــها
تعاطـينا العـهـد فـي واحدٍ من عاهده ما باق
مادام إن الثـقــة بالنفــس يلـزمنا نـوثّــقــها
أنا أعرفنا سمه تنـقاد بالدنيا ولا تـنـــساق
ولو تعـطـيك عـهــد اللـه وأمانة لا تـصـدقــها
تشوف أزوالهم مثل العـرب مارالله الــرزّاق
متى ما هب نسـناس الهوى يظـهر حقايقــها
6 - يطول الهجر
كلمات : مجازف .
على يـدينـك إذا تــسمح تكرّم بدّل أوضاعـي
إذا لي خاطــرٍ عـنـدك تـصرّف لا تـخـلينـي
لغيرك مستحيل أشـكي وأبين له عن أوجاعـي
أنا ما أبغـى بهالدنيا سواك أحدٍ يواسينـي
أنا المـحـتار يـوم إنه دعا قـلبــي لك الـداعــي
دواعي الشوق يالغالي تبعـدني وتـدنينـي
معـاناتي عـلي تـفرض أقول القـلـب مـلـتــاعِي
أجــامل والمـجـامـل بالنـهايـه لك يـودينـي
تمنيتـك تسـاعدنـي أفـل فـي بحـرك شراعـي
توقـعـت إن يدينك بالحقيقة تسبق ايدينـي
على يدينك ترى للـصبر وسط الجـوف مـربـاعي
أشـوف الهجــر ولاّ الوصل يالغالي يداوينـي
يطـول الـهـجـر أو يقصر تزايد فيـك أطـماعـي
مــودّتنا عـلى قـلبـي عـزيـزة لا تـعـنّينـي .
.................................................. .................
مع كل حبي وتقديري وأهدي كل حرف من تلك القصائد
لمتصفحي وقراء قسم الشعر النبطي والفصيح .........
أخوكم ومحبكم ............ الباسل ....................................
وأخص بكلمات اغنية ( لوعتي فيك لوعه ) لأخي
الغالي وصديقي الحبيب ( عبوووووووووووودي )
ولا يهونون الاخوان .
ohg] uf]hgvplk (2) 2 ohg] uf]hgvplk
خالد عبدالرحمن (2) 
العرض العادي
