امير لموكب ابياتي

تعابيـري لهـا تأثـيـر فــي تركيـبـة القيـفـان =أسامـر بالمسـى نجـمٍ تـعـلاّ فــوق مرقـابـي
أميـر لموكـب ابياتـي وقالـو للحكـم سلطـان =وارتب كيف مايحلو هجوسي بصفحة كتابي
حقيـقـة واضـحـه للـكـل انــه للبـحـر شـطـئـان= وارْسيّ محمل احساس ٍ يثير بنظمه اصحابي
مقيّـد دامنـي احيـا وطبعـي ياخـذه النسـيـان =غلا كل المـلا عنـدي ووصـفٍ طالعـه احبابـي
جراح الامس ماترحم ولولا الحرص والتبيـان= مرادي وشهوتك نفسي تغالبني على اتعابي
اقصّر خطوتي وامشي وارتب حالمـات اوزان= واشتـتّ كـل حـرفٍ طـاول شموخـه لسحابـي
طموحي اكبر مرادي اذا صار لقصيـدي شـان= وفرحـه تغـمـر لقلـبـي اذا مـاصـار لحسـابـي
فنون الشعر لو يعرف قدرهـا واقـع الانسـان =ولكـن تكفـيّ النظـره علـى تاريـخ الانجابـي
لميعة فكر في فكـري تراودنـي بصمتـي آن =واحيـانـاً تداريـنـي وتاخـذنـي عـلــى آبـــي
حضاره للشعرّ تبقى على صدر الزمن نيشـان= تراث بصفحة الماضي وحاضر يبهـر اهدابـي
خلود الشعـر فـي ظنـي اذا ماخابـت الاذهـان= اذا هـذا الشعـر سطـرّ ليرسـم واقـع اسبـابـي
اذا ماتطابخت نوقي مع الاحسـاس والاوزان =وبـه جـادت تعابيـري وكـل ّ الـدر ّ بــه رابــي
سلامي عدما بـرق ٍ لمـع فـي فاتنـات امـزان =وهلـتْ طشهـا يـروي الحيـاة بوبـل منسابـي
واخصْ الذكر عرباني نشاما بصفوة العربان =خوالـي والعـمـام بــدوم فيـهـم تفخرانسـابـي
وباكر تختفي شمسي لأني في النهايه فـان =عساهـا خاتمـة دنيـاي خيـر ويزهـر تـرابـي
السموحه ياوجيه الخير اذا ماصغت به غلطـان= تخـون الذاكـره نفسـي وحـكـم الله ماخـابـي

المصدر: منتديات بني عاصم