ياوحشه الليل

استغنم العمر لاتهتم ياسيدي=العمر محدود والايام معدوده
ما قلتها لجل تستعجل مواعيدي=والا على شان موعد مات موعوده
من وحشه الليل ياعمي وياسيدي=تمضي عليه الليالي شبه مفقوده
ياوحشه الليل ارمي اشباكك وصيدي=قلبي غرق في البحروالروح مصيوده
لا تطلقين الصراح وتهملي قيدي=رغم ان حكمك عليه ظلم نمروده
مبسوط في سجنك اللي زاد تعقيدي=حتى الزيارات ممنوعه ومردوده
مسموحه لاثنين يتمنون تنكيدي=اثقل عليه من اكبر ضلع فالسوده
ما منهم اللي نفع والا مسك فيدي=نحسي وضيقي لهم وقفات مرصوده
في كل موعد يجون اثنينهم ميدي=يزودوني نكد باشياء مقصوده
ياوحشه الليل حققتي مقاصيدي=لك عندي ايام مشهوده وموعوده
لك عندي ايام عده فوق تحديدي=قلبي شهد لك ولك وقفات مشهوده
مشكوره بالغتي في مدحي وتمجيدي=هذي الجمايل سلف محفوظه بنوده
سلف ومعروف وقته باقي ابعيدي=وانا على الحال هذى صعب مردوده
ياوحشه الليل زيدي الوضع تشديدي=شوفي هشاشه عظامي شبه موجوده
شوفي مدى قوه استحمالي وعيدي=عيدي لي الكره مره ركود وبروده
وقت العفوا راح زيدي تعبتي زيدي=خلي همومي توازي قمه السوده
اذا انتهت خدمتي وايام تمديدي=ملفي لاتغفلين وتنطوي قيوده
مني افتحي مدرسه للحزن تمهيدي=مشروع ناجح يفيدك فيض مردوده
والا امنحيني وسام اذا طوي قيدي=وسام خدمه شرف ماهي بمحدوده
وساعه وبشت ماهي انتاج تقليدي=تمتاز فالماركه واللون والجوده

المصدر: منتديات بني عاصم

شـــــاعرناالمبدع/سعود تسلم روحك وتسلم يمينك وصح لسانك على هذه الابيات الرائعه
تقبل مروري واحترامي لك

وراق لنا ايضا
تسلم ايدك على الانتقاء الجميل
واختيار الهمسات الرائعه
سلمت بما قدمت لنا

__________________