مدونه خاصه بالشاعرسعودبن حمدان المالكي

السلام عليكم ورحمه الله وبركاته


هذي مدونتي الخاصه واحب انا ابدى

باقرب قصيده الى قلبي وهي بعنوان

((((((((((((( ضمة غلا ))))))))))))

من كلماتي وهي اسم ديواني الصادر

قريبا في الاسواق باسم ضمة غلا


واتمنى انها تنال اعجاب الجميع

ولكم مني كل الشكر والاحترام

والتقدير

المصدر: منتديات بني عاصم

منك الوصل رحمه ومنك الجفاء كيد=يحطم امالي وكل امنياتي

وانتي كريمه لاتخلييني وحيد=في حرب خسرانه مع ذكرياتي

من غير خطه تظمن النصر وتفيد=من غير دافع ياهواي وغناتي

من يوم شفت اسمك تعكر سماء الغيد=اضمى لشوفك لين تيبس لهاتي

لا زارني طيفك بشيل القمر فيد=وضم عين الشمس داخل رحاتي

واملك نجوم الليل من غير ترديد=وحيي بها اشعاري وليل امسياتي

واصبح ملك عصري على زايد وزيد=في مملكه حبك ونشوة(ت) حياتي

ونام وحلم بك وزيد التناهيد=حلم الملوك احلم بتحقيق ذاتي

تكفين ضمييني ومن غير تحديد=ضمه غلا ورمي عليه العباتي

نسيني الدنياء وكيدي النماريد=نسيني اسمي وشربي من شفاتي

انتي ملاك انتي الكلبشات والقيد=انتي جمالك يبهر الفاتناتي

انتي المها وانتي البها وانتي الصيد=طيفك يراودني وانا في صلاتي

ياهملالي عوذه من المقاريد=لا استوطن اسمك في هجوسي وذاتي

انتي الوحيده اللي تهز الاناشيد=وتهز حتى قلوب كل البناتي

هيفاء واليسا ونجاح المساعيد=ونانسي ونجوى وصاله وهاتي

يصيبهم فالقلب غيره وتعقيد=ياثقل دم اسمك على المطرباتي

اسمك لحاله يعطي العمر تجديد=وعلى البنات الفاتنات اللواتي

ضلا لهم شنه ورنه وتمجيد=اردى الذنوب وثامن الموبقاتي

الله عليك الله ياملعونه(ت) السيد=وشلون بستحمل غيابك مماتي

انا عشقت اسمك وعفت التقاليد=الاوله والثانيه من سكاتي

صحيح ماشفتك ولكني اجيد=كل اللغات مترجمه من لغاتي

ارجوك لميني ومنك الجفاء كيد=زوري عروس البحر ردي وحاتي

يعني على حسب المثل ياهوى الغيد=سدد وقارب ركزي في صفاتي

من قال هذى البيت مايعرف الكيد=بيته ياكد رابع المعجزاتي

لاصرتي في جده يجي جده العيد=وذا رحلتي عيدت في وفاتي

والموت مثل الحب ماله مواعيد =والحب مثل الموت ينهي حياتي

احبـك حـب ماقـد صـار يانـور البلدوالـدار=احبك والمحب اعمى بصيـره والزمـن هابـي
وبالرغم ان مالي حـض يخـدم والزمـن دوار=بعد عندي بصيص من الامـل والحـظ غلابـي
انا قلت اللذي عندي وجاك الـدور وش تختـار=مخير منتـه مسيـر وتقـدر تطـوي اكتابـي
انا قدني فـرط المسبحـه واعلنـت الاستغفـار=ولاخليـت لـك فرصـه تفكرواضـح اعجابـي
تفضل قول ماعنـدك انـا طـول العمـر بحـار=ومهما كانـت الصدمـه قويـه لاتهـزى بـي
كلامي في وضوح الشمس واضح ماعليه اغبار=وريد الرد بسرع وقت ممكن وانتـي ادرى بـي
ولاتحتار بـس اختـار لاتقعـد تلـف اعـذار=ولاتعطـف عليـه لودموعـي تحـرق اهدابـي
انا مقدرعليك ازعـل ابـد لوصارمهمـا صـار=عليك الله وامان الله علـى ماتحـرق اعصابـي
انا ضدالقطاعه والنبـي وصـى بسابـع جـار=اجل وشلون وانت الكـل واول واخـر احبابـي
صحيح اللي اختشوا ماتوا وانا عاشق ودمي حار=ومنك الغطرسه والكبر تجرحنـي علـى مابـي
انا احبك وحبي غيـر ولافـي حبـي استنكـار=وحبـك ينتهـي بسمـي وينهينـي ويبـدابـي
مصيري رهن اشاره منـك يـا للجنـه يالنـار=انا سلمت لـك مفتـاح حظـي وافتحـي بابـي
خلاص الفاس صاب الراس وستسلمت للي سار=معد تنفع معي يابنت حواء وقفـه(ت) اصحابـي
اخاف انجن مثل ابن الملوح يـوم عقلـه طـار=بعد ما حب ليلى العامريـه وصبحـوا اغرابـي
معك لاصرت ثاني من تجنـن فالهـواء ونهـار=من اليوم اعتبرني فالهـواء مجنـون ورهابـي

ما كل من قـال جيـد قلـت لـه جيـد=ما كل من قال راقـي قلـت لـه راقـي
انت الوحيـد الـذي فـي قلبـي معيـد=ما تشرب الا العسل من غيمه(ت) اعماقي
الـى متـى وانـت هاجرنـي ومتحيـد=تصدرعذابـك وتحـرق زهـره اشواقـي
الـى متـى وانـت قاهرنـي ومتكـيـد=الى متـى تشتكـي منـي وانـا باقـي
باقي على حطـه ايـدك مقـدر اتصيـد=والصيـد واجـد ولـكـن مابينطـاقـي
شاعـر سنافـي وبـالاخـلاق يتقـيـد=اهيـم واشتـاق وانتي تطلبي افراقي
الشعـر عنـدي جمـل معقـول ومقيـد=ماسك خطامه ولا عمـره ثنـى ساقـي
اذ رغبـت السـيـاده اقــدر اتسـيـد=لكن مبـدى التواضـع درعـي الواقـي
اقدر مـن ابياتـي ابنـي ابـراج وشيـد=واقـدر اسيطـر وسيرالكنـق بخلاقـي
اهم شي ان عنـدي لسـان ومعـي يـد=واهم شي انـي اعشـق نجمـه افاقـي
واهـم شـي الطريـق الضيـق مسيـد=في اوله صعـب ومـع اخـره متلاقـي
بكتب لك ابيات شعـري الهـزل والجيـد=وانتي اكتبي لي بيوتـك داخـل احداقـي
والشعـرلـه دكـتـره دكتورلـوتـيـد=يعـرف يعالـج ويبـري جـرح خفاقـي
وزهـره ابيـات شعـري تفيـد وتفيـد=تستهلك افكـاري اللـي ترسـم اذواقـي
والله وتالله ان قـربـك مـنـي بعـيـد=واللي حصل لي قدرمـن عنـد خلاقـي
مطلوبي اكسب رضى المسيـود والسيـد=قبل القلـم ما يجـف وتذبـل اوراقـي

شاطر ولكن والله مقدر اخاطر=اخاف الامواج تطلع فوق وترشك
والبحر دوامته ما ترحم الشاطر=تعطيك باب الامان وترجع تغشك
يابنت يا انسه ياهوه ياساتر=ردي وخلي السوالف هشك وبشك
خلي التغلي انا افهمها على الطاير=وادري اني اقرب لعينك من طرف رمشك
واني معك مثل ظلك جنبك مساير=في كل الاوضاع متنصب على عرشك
تمشين ومشي معك طرتي معك طاير=اطير لبعد مدى ورجع على عشك
عاشق متيم وطاوع حظه الباير=كنك سحرتيه لاهشك ولا نشك
من كثر مايعشقك دايم دمه فاير=لا مر طيفك يشب الجمر ويبشك
من كثرعشقك يعاند حظه العاثر=نيران غيرته دايم تستثير الشك
واذا تكلم احد بسمك وهو ثاير=من غيرته يحسب اللي يمدحك حشك
يغضب ويصدر بقسوه حكمه الجاير=يغش من فكر اصلا(ن) يوم في غشك
هايم ويفرح بشوفه طيفك الزاير=ويشق صدره وبين اضلاعه يخشك
عاشق ينافس مع العشاق ويجاكر=واذا اهنتيه يطرب مسمعه دشك
نسي اصدقاه القدم باكر مثل باكر=وطشهم كل ابوهم مير ما طشك
اللي اعرفه انه نسي نفسه مهو فاكر=واللي اعرفه محتفض لليوم في قشك
عاشق وحاله صعيب ويكسر الخاطر=ما بين نزف الجروح وهشك وبشك

والله اني اه ه ه سنـي قـام يتهـزى بـك=يعني افهمها علـى الطايـر ودور غيـري
والا لا تفهـم لئنـي ماحسبـت احسابـك=ارفض ادخلك في عقلـي وفـي تفكيـري
انت تدري وش مكانك في عيون اصحابـك=مثل ما تعرف مكانـك عندمسجـد خيـري
لامتى تضحك على نفسـك ودابـك دابـك=مثل اللطرش لارقص في زفـة الكشميـري
كل ما تنفخ لنـا صـدرك تضيـق اثيابـك=تاكل المقلب وتضحـك ضحكـه النيجـري
يلعن ام القهر مدري وش حصل وش صابك=كلها غيره وش المقصود مـن تصغيـري
انـا ادور راحتـك ريـح وقفـل بـابـك=واسف ازعجتك بما دونـت فـي تقريـري
لاتكبرهـاء بتهديـدك تــرى مشعـابـك=اقدر ابرم له ميه خطـه حسـب تدبيـري
واقدر اقصه وهـو مركـون فـي دولابـك=مثل مابالضبط بالقصاص اقـص اظفيـري
وانت ماشاالله على طولك وطـول اشنابـك=صورتك هـذي تذكرنـي بطـارق ريـري
نسخه اصليه على الكربون كيـف ابدابـك=معجزه ماتنوصف معـذور فـي تقصيـري
يمكن اتاخـرت تاخيـري تـرى بسبابـك=انا مالي ذنب مالـك حـظ فـي تدميـري
وابشر ارسلك مصاريفـك وحـق اتعابـك=وفوق ما سويت لا تزعـل ولـك تقديـري
وانا بعطيك الصراحه بس هـدى اعصابـك=لاتوتر وانا بشرحلـك حسـب تصويـري
فيك مـن فقاعـت الصابـون والله جابـك=انت تنفع في دعايـه مـن دعايـه فيـري

اهليـن وهلـن هـلا فيهـا زيـاده حـلا=سكر عسل شي حلوا لذه فـي الحالتيـن
يعنـي بهلـي وردد يـاهـلا ومسـهـلا=في كل لحظـه تمـر عليـه وكـل حيـن
وحاول اضم ورسـم عيـن ريـم الفـلا=بالشوق والذوق واللهفـه وزود الحنيـن
رغـم اننـي مقتنـع ان الخطـر والبـلا=لازال موجود والشفره على شكـل عيـن
والضـم واللـم ماهوحكـر جـون ورولا=ما يحتكر هالمجال الا ؟؟؟اترك السر دفين
من غير ضمه غـلا يقـدر يضـم الغـلا=ويحاصره قبل ما يرحل عـن العاشقيـن
من غير ضمه غلا يملـك شعـار الـولا=لوجبتها من يسار وجبتهـا مـن يميـن
سئالت عنهـا المـلا ماجاوبونـي المـلا=يعني وش السر في ذى الاسم والكلمتيـن
احترت كيف اقتنـع مـدري نعـم والا لا=نبض المشاعر تنفس من غبـار السنيـن
فضيت قلبـي مـن الضيقـه وزاد امتـلا=من ضحكه الشامتيـن ولومـه اللايميـن
احلم بضمـه غـلا تبعـد همـوم البـلا=من قبل ما اصبح على ما قيل صفر اليدين
لا قالوا الناس لـي قدبـاي قلـت الخـلا=قالو احسن الله عزاك وقلـت مالعايديـن
يعني الشغل عكس ضد وضد حتـى هـلا=لا قالوا اهلا(ن) هلا ودعتهـم بصبعيـن
حاله غريبه دواهاء مـر عكـس الحـلا=صلوا علـى خيـر الامـه سيدالمرسليـن
وعطوني الحل وارضـوا قلبـي المبتـلا=لا مالكم عذر فيـه احرجـوا المستحيـن
لا قلت واحد حجر حضي نهـض واعتـلا=وان مات الابيض ومات الشيش في لعبتين
بشوف لي زاويه زينـه وعيـش اعـزلا=والا اضمن الفوزوتحايل وسـوي فطيـن
والحرفنه فاللعـب ماهـي وحـي منـزلا=يمكن تصـادف وشرشـح سيدالعارفيـن
بالصوت قفله على غفلـه مضمـن جـلا=ماهي بعيـده نفـوز ونكسـب الجولتيـن
الله يديـم الفـرح والله يـديـم الـغـلا=والله يستر على اهل الخير دنيـاء وديـن
والله يحضضني اكسب حـب كـل المـلا=والله يعمـي ملامـح نظـره الحاسديـن
الله ومـن يتـكـل بالله رفـيـع الـعـلا=مـا مـد كفـه يـقـل لله يامحسنـيـن