قصيده حزينه ومؤثرة للمنشد سعد الطلحة في والده

سوسو العاصمي · 20-Mar-2010, 10:46 PM

قصيده حزينه ومؤثرة للمنشد سعد الطلحة في والده

صباحكم \ مساكم ورررد

هذي قصيده للمنشد سعد الطلحة في والده عندما توفي

ان شاء الله تحوز على رضاكم واستحسانكم

دقات قلبي تزيد بحرّة فيها ××× والدمع من مهجتي بالحزن ذرافي
من لوعة يا عسى ربي يجليها ××× حمى غشتني بغم وتنفض أطرافي
ليت الليالي تعود بحلو ما ضيها ××× هيهاتي ترجع بما روَّح وما طافي
كل(ن) يعزي وأنا روحي أعزيها ××× رحيل أبوي اللي بالأفضال معطافي
آهـ من الوقت والدنيا أثنِّيها ××× دنيا تفرق شمل بالحيل تنعافي
بسمتك يا والدي ما ني بناسيها ××× تضحك إذا شفتني بالخير متعافي
ليت العمر ساعة تنباع وأشريها ××× بأغلى ثمن يايبه للعمر تنضافي

مسجدك مشتاق للآية وتاليها ××× ومنبرك من عقب ما فارقت له طافي
غرشة دهن عودك بدرجك أغطِّيها ××× أشم ريحه وكنك مقبل(ن) لافي
نظارتك شلتها حزني يبكِّيها ××× حتى المساويك ناحت بين الأرفافي
وعصاك مسنودة(ن) جيت أبحاكيها ××× تقول يكفيني ما فيني ترى كافي
وبستانك اللي به النخلات تسقيها ××× يبست سواقيه تمره دون خرافي
يبه .. يبه .. يا يبه لمن بأطرِّيها ××× هني من له أبو حي(ن) وينشافي

فنجال قهوة معاك أوقات نغليها ××× ويضمني بالشتاء في مشلح دافي
همزت رجليك أنا أفدى مواطيها ××× أرجي لبرِّك عسى ما تشكي خلافي
الارض ضاقت علي باوسع فيافيها ××× ماذقت نوم هني والانس متجافي
فضـايـلـك يـا يـبـه عجــزان أوَفِّـيها ××× لو وصلت بالشعر بيت الألف من قافي
يا ربي تجعله للفردوس ناصيها××× ومن ثمار الجنان الخضر قطَّافي

للاستماااااااااع

تحميل الملف من هنا

مما راق لي

المصدر: منتديات بني عاصم

rwd]i p.dki ,lcevm gglka] su] hg'gpm td ,hg]i hg'gpm p.dki su] td ,lcevm ,hg]i

أبو حسين العاصمي · 22-Mar-2010, 07:13 AM

سوسو العاصمي:
الله يجزاك خير على نقل هذه المرثية .

سوسو العاصمي · 23-Mar-2010, 03:46 AM

مرحبا ابو حسين

منووور الصفحه بتواجد العطر

الجريدي · 27-Mar-2010, 09:54 PM


	اول شي الله يخلي لنا ابونا ويطول لنا في عمره يارب ثاني شي شكرا على القصديه الجميله والمحزنه في نفس الوقت ما قصرتي تقبلي مروري

قصيده حزينه ومؤثرة للمنشد سعد الطلحة في والده

اسلاميات-سيرة الرسول-سيرة الصحابة-أحكام الدين-قرآن كريم