*=
البدع: البرق اللامع=
*=
ادهك
الشوك في
دربك نهار الوغى واربع سنين=
واترك اركاب فكرك تسرح الكون من عرضه بطوله=
وارتقب للكواكب مثل مايرقب العالم لها=
كل من ينصب الشيمه بيعرف مع ربعه وقاره=
وانا ودي ليا جينا لكم لاتقل بنجي ريا=
ومن يتاجر بسوق المال بعد الخساره جاء بمكسب=
والعمله بالريال اليوم ماعد تجي بفرانسه=
يارفيقي تمهل ساعة الجدب والا بالرخا سر=
ومن يرد الهروج اللي مضت كيف لاغانا بها=
ياعزيز المقام اقبل وخل اهل قولة مانديلا=
كان ماردتك غيبه ولاجاك ما لشر قاسيا=
انتشد من سبق واذكر ليوم الشقى ماذا تقدم=
والله اني خذيت الصبر عاده ومد البر قواي=
ومن تجرع بمر الفقر باقي يشوف الخير دوره=
وانت بتشوف من جوعه يلوعه تعب وان كل ترا=
والجنا في غصونه مايلا بعد ظلى منح زينه=
والعيون اللتي مالخوف تبكي وهولن دامعه=
احكم الشور يالصاحب ولاعد تقل ياما ردونا=
الخيول اسرجت ودروعنا للعدا ولمانيه=
*=
الرد:علي السبيه=
.=
مونديلات كاس العالم اتقام كل اربع سنين=
يعتبر في نضام الكوره اغلا لقب وافضل بطوله=
وانه من ضمن الاحداث الذي يرقب العالم لها=
عرس الكوره تشارك فيه كل الفرق من كل قاره=
فيه لعب البرازيل المنضم ولعب انجيريا=
الذي يستلم كاس البطوله يفيد وجا بمكسب=
قمة الفن لما تلعب ايطاليا وافرانسه=
يفرح اللي يفوز ويندم اللي في الميدان خاسر=
والبطوله خذتها اسبانيا مهتنت غانا بها=
يختلف موندياله مايشابه مراسم مانديلا=
من اوروربا الى امريكه الجنوبيه الى شرق اسيا=
والفرِق في البساط الاخضر انضر لها ماذا تقدم=
اللي هاوي للارجنتين والا هوى للبرقواي=
كل موسم نقل هذه السنه للبطوله خير دوره=
وجماهير الارجنتين ما شجعّت لنكـلتـرا=
كم جماهير تتحسّف وترجع من الملعب حزينه=
والاسبان انهو الحفل الختامي وهولندا معه=
ماتجيب الملاعب مثل بيليه والا ماردونا=
ياما هزّو الشباك ولقّنو انقلترا والمانيه=
البرق اللامع 
العرض العادي
