رحـلـة فـي قـطـار بـنـي عـاصـم

ابو سعود · 26-Nov-2010, 08:05 PM

أبوناصر سواق قطار بني عاصم كل يوم مثل اي يوم بقوم يركب القطار وينتظر الركاب
وفي يوم من الايام ركبت القطار ودار بيني وبين ابو ناصر الحديث وسوف اوافيكم بما حدث بيني وبينه

7
7
7

ابو سعود : هلا ابو ناصر

ابو ناصر :هلا عمي كيفك ؟

ابو سعود : الحمدلله عايشين والصحه عال العال

ابو ناصر : دووووووووووووووم ياحبيب قلبي ابو سعود

ابو سعود: وش اللي نسمعه من خرابات في القطار ومن مسبب الخرابات

ابو ناصر : اي خرابات يابوسعود وش تقول انت !!!

ابو سعود : الخرابات الي بتصير في القطار , وش فيك ارتبكت يابو ناصر

ابو ناصر : اسكت يابو سعود خلاص وش نبغى بالموضوع هذا؟؟!!!!

ابو سعود : وشفيك توترت و فزيت مرّه وحده هدي شوي يابو ناصر !

ابو ناصر : لا لا مافي شي بس يعني ......

ابو سعود : بس وشفيك لا يكون الركاب فيهم شي والا المقاعد ما تكفيهم بغض النظر عن الخربات الي تصير في القطار

ابو ناصر: وحد الله يابوسعود الركاب موجدين وبحاله ممتازه مو شايف المقاعد اغلبها محجوزه....
يا سيدي ما علينا

ابو سعود : اسمع يابو ناصر بقلك شغله .................. !

ابو ناصر : لا تقولي ولا اقلك ......يا بتسكت و بتركب القطار يا بتتسهل دور قطار ثاني .

ابو سعود : بركب يابو ناصر وشفيك معصب عليه تراني احبك

ابو ناصر : الله يحييك يابو سعود وانا بعد احبك بس اركب واقعد وتفرج وترى قطارنا غير عن باقي القطارات

ابو سعود : الا اقولك يابو ناصر سمعت انكم لحمتم عربات القطار في بعضها البعض

ابو ناصر : اي والله يابو سعود لحمنا العربات في بعضها البعض نبغى نقلل من طول القطار وجبنا العيد

ابو سعود : هههههه كيف جبتم العيد يابو ناصر الله يرجك

ابو ناصر : مره يا رجال كنا مسرعين وكان في منعطف خطير في السكه الحديده
وانت عارف اننا لحمنا بعض العربات في بعضها المهم ان القطار لما لقط اللفه نشب هههههههههههه

ابو سعود : ههههه حلوه نشب القطار عسا يابو ناصر ما تحطم القطار وجبتم العيد في الركاب

ابو ناصر : لا لا لا يابو سعود جت سلامات والحمد لله ان القطار ابو فحم ماهو ابو كهربه ههههههههههههههههه

ابو سعود : طيب يابو ناصر ليه ياخي تلحمون العربات في بعضها البعض ليه ما تعارض فكرة تلحيم العربات

ابو ناصر : ايه يابو سعود حيل الله اقوى وانا اخوك تراني مجرد سواق القطار ما اتحرك الا بالاوامر

ابو سعود : طيب يابو ناصرمدام الشغله كذا جيبوا سواق اندونسي للقطار وريح نفسك

ابو ناصر : المشكله يابو سعود من يصرف راتب السواق !!؟؟

ابو سعود : ياخي الراتب يكون قطه بين الجميع

ابو ناصر : ابو سعود انت توحي هههههههههههههههههههههه

ابو سعود : الا اقولك يابو ناصر الحين وين رايحين بالقطار ووين متجه الرحله

ابو ناصر : لا اعلم اين نتجه الان لكن اذا وقف القطار نزلنا الركاب هههههههههههههههههههههههههه

يعني مثل ما شفتوا يا اخوان ابو ناصر هاذا الرجل على قد حاله مو ناقصه مشاكل
سوف يبقى على الفاضي مهما قال ومهما شال و مهما حط .
وكل شي راح يضل مثل ما هو يابو ناصر وش بتسوي يعني !!؟؟

بقلم ابو سعود

المصدر: منتديات بني عاصم

vpJgJm tJd rJ'Jhv fJkJd uJhwJl vpJgJm uJhwJl tJd

أبو حسين العاصمي · 26-Nov-2010, 08:40 PM

ابو سعود//
مشكور على المقال الرائع واتمنى لك ولأبو ناصر رحلة سعيدة عبر هذا القطار السريع وبلّغ ابو ناصر تراني مستعد استعداد كامل بمصاريف الرحلة ومصاريف اي عطل يحدث لهذا القطار وكذلك مصاريف السواق ..

ابو ناصر · 26-Nov-2010, 09:05 PM

هههههههههههههههههههههههههههههههههههه
خيبك الله وغررررررررررررب غرب الله عليك ... امّا لحمّنا عربات القطار ... (كثّر منها )
القطار لازال جيد ومنطلق والسكة مثبتة بإحكام والسواق لازال بكامل قواه العقلية ومتشعبط بأيديه وأسنانه
سوف نعمل لك زنزانة في مؤخرة القطار بجوار (مشب الفحم ) فأنت راكب مشاغب

نوماس · 26-Nov-2010, 09:28 PM

أبو سعود و أبو ناصر نتمنى لكم رحله سعيده والوصول بسلام و خذوا حذركم
أبو ناصر التوقيع مميز جداً والتسميه لشخصيات الكرتونيه جاهزه عند الأعضاء والله يعينك على قلم أبو سعود
أبو سعود في شريط الإهداءات تتمنى تكون شاعر لا والله يكفي قلمك خاف ربك وش تبغى توصل له أرحم من في الأرض يرحمك من في السماء
مجرد مداعبه

ابو عــــــبدالله · 26-Nov-2010, 09:39 PM

أخي الكريم أبو سعود . القافلة أعني القطار يسير و..... وسيسير بإذن الله وترى قطارنا يسير بتأنٍّ وتؤدة ,
وتجميع عرباته لأن الركاب يحبّون بعضهم البعض ولا يريدون أن يصيروا بعيدين عن بعض ,
أمّا إيجاد سائق إندونيسي ودفع أجرته فلا نحن في حاجة السائق لا إندونيسي ولا غيره
ولا نعجز عن دفع أجرة أي قائد للقطار ولا عن دفع مصاريف تسييره .
بس وأنا أخوك لي طلب عندك قل تم :
وهو دخيلك إترك الإصطياد في الماء العكر , والله أنني أعرف كل كلمة تكتبها وش تقصد بها , لأن من كثر موضوعاتك التي على هذه الشاكلة ملّينا منها ,
يا أخي جدد في كتاباتك وإجعلها إيجابيّة لا تثير الجدل العقيم . أنت تعرف قصدي ,
والذكي تراه يفهمها من أول طلب , ما نبغي اللت والعجن , مثلما صار في موضوع ( إجهاض المنتديات التي إخترعتها ) .
علمي وسلامتك تراني أستحي منك ,

عاصمي العاصمة · 26-Nov-2010, 09:49 PM

ما دام قائد وسائق القطار أبو ناصر فالقطار في خير وسلام
وسيسير بعون الله كما خطط له وإن شاء الله سيكون ركابه
قريبين من بعض وعرباته المتلاحمة التي تم تلحيمها ببعض
ما هي إلا نتاج ذلك التلاحم والترابط بين الركاب

زيكو · 26-Nov-2010, 10:38 PM

يا أخي جدد في كتاباتك وإجعلها إيجابيّة لا تثير الجدل العقيم . أنت تعرف قصدي ,
والذكي تراه يفهمها من أول طلب , ما نبغي اللت والعجن , مثلما صار في موضوع ( إجهاض المنتديات التي إخترعتها ) .
علمي وسلامتك تراني أستحي منك ,

أخيرا حست الادارة أعتقد لو كان عضو ثاني كان من زمان شتوه برا!!!!!!!
الاخ قاعد يدس السم في العسل بمواضيعه والكل عارف اقصد الاخوان اللي بالادارة وسا كتين ليه مدري!!!
ولكن الظاهر انها اعجبته كثرت الردود على موضوعه السابق وكثرت القراء وقال ننزل واحد علشان الاثارة
عموما بحكم انني احد الاعضاء في هذا المنتدى اطالب بإيقافه فورا والا سوف انهج نهجه
وسلامتكم

رحـلـة فـي قـطـار بـنـي عـاصـم

الركن العام-مواضيع عامة-معلومات عامة